Xitay hökümiti, emgek bilen özgertish lagirida yétiwatqan shangxeylik ayalning tinchliqni buzghanliqi üchün bu jazagha uchrighanliqini bildürdi

Xitay hökümiti düshenbe küni, amérika hökümet xadimliri we kishilik hoquq teshkilatlirining, shangxeyde maw xéngféng isimlik bir xitay ayalning xitay hökümitining pilanliq tughut siyasitige qarshi pa'aliyet élip barghanliqi üchün, emgek bilen özgertish lagirigha ewetilgenliki toghrisidiki xewerlirini ret qildi .

Xitay hökümiti élan qilghan bir bayanatida, maw xéngféngning xitay hökümitining pilanliq tughut siyasitige qarshi chiqqanliqi üchün emes, qalaymiqanchiliq chiqirip, tinchliqni buzghanliqi üchün emgek bilen özgertish lagirigha ewetilgenlikini bildürdi.

Amérika tashqi ishlar ministirliqining xadimliri we merkizi amérikining nyo-york shehiride bolghan xitaydiki kishilik hoquq teshkilati, maw xéngféngning 1980 - yilliri ikkinchi balisigha hamile bolghinida ishidin qoghlandi qilin'ghanliqini we xitayning pilanliq tughut siyasitige qarshi chiqqanliqi üchün ten jazasi qatarliq nurghun ziyankeshlikke uchrighanliqini bildürgen .

Emma xitay hökümiti bayanatida, mawning 1989 - yili üchinchi balisigha hamile bolghanliqi üchün emes, 16 kün sewebsiz ishqa kelmigenliki üchün ishtin chiqirilghanliqini tekitlidi.

Bayanatta bildürülüshiche, maw 2003 - yili may we öktebir aylirida, nechchiligen sot idarilirida qalaymiqanchiliq chiqirip, jama'et amanliqini buzghan .(Qanat)