Хитайда пиланлиқ туғутқа қарши паалийәтчи уруп яриландурулди


2005-10-05
Share

Хитай һөкүмәт даирилириниң мәҗбурий бала алдуруш җәрянидики зораванлиқлирини паш қилған хитай паалийәтчиси чин гуаңчин намәлум кишиләр тәрипидин уруп яриландурулди.

Ройтрис агентлиқиниң хәвиригә қариғанда, әма паалийәтчи чин гуаңчин бу йилниң бешида, шәндуңниң лиңҗе шәһиридә йүз бериватқан бала алдуруш вә пиланлиқ туғут сияситини йолға қоюш җәрянидики һәр хил зораванлиқларни ташқи дуняға паш қилған. Йәрлик һөкүмәт даирилири шундин кейин, уни нәзәрбәнд астиға елип, униң телефони вә компютерини үзүвәткән иди.

Бу ишқа көңүл бөлгән үч адвокат сәйшәнбә күни лиңҗеға берип, униң билән қисқиғинә көрүшкәндин кейин, чен гуаңчин намәлум кишиләр тәрипидин уруп , кочиға ятқузулуп қоюлған. Бир мәһәллидешиниң билдүрүшичә, униң бир қанчә йери кесилип қаниған, биләк вә пачақлири яриланған болсиму, йәрлик һөкүмәт әмәлдарлири уни дохтурға апиришни рәт қилған.

Шәндуң леңҗедики пиланлиқ туғут хизмитидики қанунсиз қилмишлар ашкариланғандин кейин, хитайниң мәмликәтлик пиланлиқ туғут комитетиму буни етирап қилған. Пиланлиқ туғут комитети алақидар әмәлдарларни тәкшүриватқанлиқини билдүргән. Әмма чин гуаңчинниң мәһәллидешиниң билдүрүшичә, пиланлиқ туғутни йолға қоюш җәрянида башқиларниң һоқуқини дәпсәндә қилған әмәлдарларниң һазирғичә һечқайсиси җазаланмиған. Бәзилири техи чин гуаңчинниң ишики алдида давамлиқ "вәзипә" өтәватқан икән. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт