Xitayda pilanliq tughutqa qarshi pa'aliyetchi urup yarilanduruldi


2005-10-05
Share

Xitay hökümet da'irilirining mejburiy bala aldurush jeryanidiki zorawanliqlirini pash qilghan xitay pa'aliyetchisi chin gu'angchin namelum kishiler teripidin urup yarilanduruldi.

Roytris agéntliqining xewirige qarighanda, ema pa'aliyetchi chin gu'angchin bu yilning béshida, shendungning lingjé shehiride yüz bériwatqan bala aldurush we pilanliq tughut siyasitini yolgha qoyush jeryanidiki her xil zorawanliqlarni tashqi dunyagha pash qilghan. Yerlik hökümet da'iriliri shundin kéyin, uni nezerbend astigha élip, uning téléfoni we kompyutérini üzüwetken idi.

Bu ishqa köngül bölgen üch adwokat seyshenbe küni lingjégha bérip, uning bilen qisqighine körüshkendin kéyin, chén gu'angchin namelum kishiler teripidin urup , kochigha yatquzulup qoyulghan. Bir mehellidéshining bildürüshiche, uning bir qanche yéri késilip qanighan, bilek we pachaqliri yarilan'ghan bolsimu, yerlik hökümet emeldarliri uni doxturgha apirishni ret qilghan.

Shendung léngjédiki pilanliq tughut xizmitidiki qanunsiz qilmishlar ashkarilan'ghandin kéyin, xitayning memliketlik pilanliq tughut komitétimu buni étirap qilghan. Pilanliq tughut komitéti alaqidar emeldarlarni tekshüriwatqanliqini bildürgen. Emma chin gu'angchinning mehellidéshining bildürüshiche, pilanliq tughutni yolgha qoyush jeryanida bashqilarning hoquqini depsende qilghan emeldarlarning hazirghiche héchqaysisi jazalanmighan. Beziliri téxi chin gu'angchinning ishiki aldida dawamliq "wezipe" ötewatqan iken. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet