Pilanliq tughut sewebidin shenshidiki 11 neper emeldar xizmitidin éliwétildi
2006.05.07
Shenshi ölkisining melum bir yézisidiki bir déhqan er-ayal 23 yil ichide 9 baliliq bolghanliqi sewebidin, bu yézidiki 11 neper mes'ul emeldar xizmitidin élip tashlan'ghan we ikkisi qolgha élin'ghan.
Xitay shinxu'a agéntliqining xewer qilishiche, shenshining dawgow yézisidiki sabiq pilanliq tughut ishlirigha mes'ul mudiri fang bilen sabiq partiye yachéyka mes'uli yü, hoquqtin qalaymiqan paydilinish we pare élish jinayiti bilen qolghan élin'ghan. Qalghan 11 neper emeldarning wezipisi élip tashlinip, partiye we hökümet ichide jazalan'ghan.
Mezkur yézidiki bir jüp er-ayal 1982-yildin bashlap taki ötken yili 12-ayghiche ilgiri-axir bolup 9 balap tapqan. Bu jeryanda yézidiki munasiwetlik rehberler ulardin pare élip, heqiqiy ehwalni yalghan doklat qilip kelgen iken.
Xitay hökümiti bir baliliq bolush pilanliq tughut siyasitini yolgha qoyghandin buyan, buninggha chétilghan kishilik hoquq mesililiri bir qeder köp köriliwatqan bolup, bu mesile xelq'aradiki kishilik hoquq teshkilatlirining déqqitini tartip kelmekte. (Peride)
Munasiwetlik maqalilar
- B d t nopus fondi jem'iyiti xitay pilanliq tughut siyasitige bergen yardem türini aqlidi
- Xitayda pilanliq tughutqa qarshi pa'aliyetchi urup yarilanduruldi
- Hamildarlarni bala aldurushqa mejburlighan emeldarlarning mes'uliyiti sürüshtürülidiken
- Xitayning tughutni kontrol qilish siyasitide özgirish bolmaydiken
- Amérika, b d t nopus fondi jem'iyitige yardem bérishni toxtatti