Хитай даирилири пиланлиқ туғут сияситини изчил күчәйтмәктә
2007.11.15
Хитай һөкүмити уйғурларға қаратқан пиланлиқ туғут сияситини изчил күчәйтип, мәзкүр хизмәтни һәр бир наһийә буйичә чиң тутуш, хизмәтләрдики қейин нуқтиларни тәтқиқ қилип мәсилини тез һәл қилиш чарилирини йолға қоймақта.
Хитай хәвәр вастилириниң бүгүн бәргән мәлуматидин ашкарилинишичә, пәқәт бир хотән наһийисидила йеқинқи үч йилдин буян, пиланлиқ туғутқа селинған селинма 13 милйон 40 миң йүәнгә йәткән, наһийә буйичә пиланлиқ туғутни йолға қойған деһқан - чавичиларға тарқатқан мукапат, толуқлима мәбләғ, маддий әшяларниң қиммити 3 милйон 245 миң йүәнгә, наһийә буйичә пиланлиқ туғут шәрәп гуваһнамиси алған деһқан - чарвичилар сани 2 миң 164 аилигә, дөләт, аптоном район вә наһийиниң 2 миң йүәндин артуқ мукапатиға еришкәнләр 1 миң 328 гә, аңлиқ һалда туғут чәкләш опиратсийиси қилдурғанлар сани 5 миң 325 гә йәткән.
Хитай даирилириниң уйғурларни аз санлиқ милләт дәп атап туруп, улар үстидин мәҗбурий пиланлиқ туғут сиясити йүргүзишиниң өзи хәлқара қанунларға уйғун әмәс дәп билдүрүватқан чәтәлләрдики уйғур кишилик һоқуқ тәшкилатлири"һәр хил һилә - микирлик чариләрни ишқа селиш, мәсилән, маддий җәһәттин мукапатлаш түзүми арқилиқ хәлқни алдаш, хитайниң пиланлиқ туғут сияситидики йәнә бир хил мәҗбурлаш чариси" дейишмәктә.
Хитай, узун йиллардин бери, уйғурларни аз туғуп бейишқа йүзлинишкә чақирмақта, бирақ аз пәрзәнт көргән бир уйғур аилисиниң турмуш сәвйиси, хитайниң ичкири өлкилиридики намрат аилә дәп қаралған аилиниң турмушидин нәччә һәссә төвән сәвийидә һесаблиниду. (Әқидә)
Мунасивәтлик мақалилар
- Әр-аял нисбитидики тәңпуңсизлиқ, хитай рәһбәрлирини әндишләндүрмәктә
- Хитай пиланлиқ туғут комитети қопал шоарларни чәклиди
- Хитай һөкүмити һамилидар болған қиз оқуғучилар алий мәктәпләрдин чиқирилишини чәклиди
- Хунән пиланлиқ туғут қануниға хилаплиқ қилғучилардин 8 һәссә өрлитип җәриманә алмақчи
- Гуаңшида пиланлиқ туғут тоқунуши пәйда қилған әмәлдарларни сотлаш үчүн адвокатлар һәқсиз мулазимәткә тәйяр
- Гуаңши өлкисидә йүз бәргән пиланлиқ туғутқа қарши топилаң техи тинҗимиди
- Гуаңшидики деһқанларниң пиланлиқ туғутқа қарши қозғилиңи сақчилар тәрипидин бастурулди
- Хитайда миңлиған амма "пиланлиқ туғут сиясити "гә қарши намайиш қилди
- Хитайдики җинсий тәңпуңсизлиқ вә җәмийәт зораванлиқиниң мәнбәси