Xunen pilanliq tughut qanunigha xilapliq qilghuchilardin 8 hesse örlitip jerimane almaqchi

2007-07-25
Élxet
Pikir
Share
Print

Xitay axbarat wasitilirining xewer qilishiche, xunen ölkisi pilanliq tughut qanunigha xilapliq qilghuchilardin 8 hesse örlitip jerimane élishni pilanlawatqan iken.

25 - Iyul küni, roytérs agéntliqi shinxu'a agéntliqining bu heqte bergen xewirini neqil keltürüp körsitishiche, xunende aldinqi ayda hökümet emeldarliri we muhim erbablardin bolup ikki minggha yéqin kishining pilanliq tughut qanunigha xilapliq qilghanliqi ashkarilan'ghandin kiyin, hazir xunen ölkilik xelq qurultiyi pilanliq tughut qanunigha xilapliq qilghuchilargha éghirlitip jerimane qoyush üstide maqullan'ghan qanun layihisi üstide muzakire élip bériwatqan iken.

Xewerde körsitilishiche, qanunsiz bala alghanlargha yene aldinqi yilidiki omumiy kirimning alte yaki sekkiz hessigiche toghra keltürüp jerimane qoyulidighanliqi körsitilgen.

Xunen ölkisi pilanliq tughut komitétidiki bir emeldar shinxu'a agéntliqigha: " iqtisadi kirimi yaxshi a'ililer üchün jerimane bek az bolup qaldimikin, shunga biz ijtima'iy adaletni qoghdash üchün jerimane sommisini ashurduq" deydu.

Xewerde melum bolushiche, xunen ölkiside 2000- yilidin 2005- yilghiche bolghan ariliqta 1980 neper hökümet emeldari we bashqilar pilanliq tughut siyasitige xilapliq qilghan bolup, ularning arisida 21 neper döletlik we ölkilik xelq qurultiyi wekilliri, 24 neper siyasiy meslihetchiler we 112 neper karxanichilar bar.

Bularning ichidiki bireylen xitay döletlik xelq qurultiyining ezasi bolup 4 balisi we töt ashnisi bar iken. Bundaq heriketler jéjyang we xunen ölkiliridimu bashlan'ghan. (Jüme)

Pikirler (0)
Share
Toluq bet