Колин повел хитайни зиярәт қилди


2004.10.24
Share on WhatsApp
Share on WhatsApp

Америка ташқи ишлар министири колин повел җүмә күни бейҗиңға йетип келип, шималий корийә ядро қораллар кризиси вә тәйвән мәсилисини асас тема қилған хитайдики зияритини башлиди. Хитай ташқи ишлар министирлиқиниң баянатчиси җаң чийө, колин повелл билән болған сөһбәтләрдә хитай рәһбәрлириниң тәйвән мәсилисини оттуриға қойидиғанлиқини билдүрди. Җаң чийө, " биз тәйвән мәсилисини хитай - америка мунасивитидики әң муһим вә әң назук мәсилә дәп қараймиз" дәп тәкитлигән. Пәрәзләргә қариғанда колин повелл бейҗиң даирилирини тәйвән билән сөһбәт елип беришқа һәйдәкчилик қилиши, шундақла тәйвәнгә қорал - ярақ сетип бериш мәсилисидә бейҗиң даирилирини хатирҗәм қилишқа тиришиши мүмкин.

Кишилик һоқуқ мәсилисидә колин повеллниң "ню - йорк вақти гезити" тәтқиқатчиси җав йәнниң қолға елинишини өз ичигә алған бәзи кишилик һоқуқ дилолирини тилға алидиғанлиқи илгири сүрүлмәктә. Колин повелл хитайға бериштин илгири японийини зиярәт қилип, баш министир койзуми билән шимали корийә ядро қораллар кризисини музакирә қилди. У, шималий корийиниң 6 тәрәп сөһбәт үстилигә қайтип келиш йолидики 3 алдинқи шәртини рәт қилған. Шималий корийиниң 3 алдинқи шәрти, америка пйоңяңға қаратқан дүшмәнлик сияситидин ваз кечиш, шималий корийә ядро қораллар пиланини тоңлитиш бәдилигә америкиниң маддий ярдимигә еришиш, җәнубий корийиниң ядро синиқини музакирә қилиш қатарлиқларни өз ичигә алиду. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.