Dollarning xitay ghezinisidiki chet'el périwotida igiligen nisbiti töwenlidi

Xitay hökümiti ötken yili amérika dollilirining xitay ghezinisidiki chet'el périwotida igiligen nisbitini azaytqan.

Léymen aka - ukilar meblegh sélish bankisining doklatida ilgiri sürüshiche, amérika buningdin kéyin asiya bilen bolghan pul - mu'amile sodisidiki qizil reqemge süküt qilip turmasliqi mumkin. Xitay dunya boyiche yaponiyidin kéyinki tashqi périwot zapisi eng köp dölet. 2004 - Yilning axirlirida xitay dölet ghezinisidiki tashqi périwot zapisi 610 milyard dollargha yetken bolup, aldinqi yilgha qarighanda 209 milyard dollar ashqan. Léymen uka - ukilar bankisining ashkarilishiche, 2003 - yili xitay dölet ghezinisidiki tashqi périwotning٪ 82 ni dollar igileyttiken.

Amma 2004 - yilning axiri dollarning xitay tashqi périwot zapisida igiligen nisbiti٪ 76 ge töwenligen. Léymen uka - ukilar meblegh sélish bankisi, xitay dollarning tashqi périwuttiki ornini asta - asta ajizlashturmaqta," dep körsetti. Biraq shundaqtimu hazirche dollar yenila xitay ghezinisidiki asasliq tashqi périwot birliki hésablinidiken.

Xitay tashqi périwot idarisidiki da'iriler, béyjing hökümitining dölet gheznisidiki tashqi périwot qurulmisini özgertish niyiti yoqliqini bildürmekte. Xitay tashqi périwot idarisining bashliqi gu shuching, dollarni dawalghush astida turiwatqan hazirqi ehwalda satsa, ziyan tartidighanliqini bildürgen. (Erkin)