Xitay xelq bankisi amanet qerz ösümini köpeytti

Xitay xelq bankisi peyshenbe küni qarar chiqirip, xitaydiki pul - mu'amile organlirining amanet qerz ösümini yuqiri köterdi. Shundaqla amanet - qerz ösümining rayonlar otturisida perqliq bolushigha yol qoyghan. Xelq bankisining qarari boyiche amanet qerz sommisining yilliq ösümi hazirqi ٪ 5.31 Tin ٪ 5.58 Ge östürülgen. Xelq bankisining tor bétide bildürüshiche, amanet qerz ösümini yuqiri kötürüsh bayliqning iqtisadi wasitiler arqiliq teqsim qilinishigha paydiliq bolup, karxanilar mebleghni changgiligha éliwélishning aldini alidu dep körsetken.

Birleshme axbarat agéntliqining xewer qilishiche, nöwette xitayda mebleghning köpiyishi bilen iqitisadning qizip kétish ehwali éghir bolup, mal bahasining örlishi yéqinqi 7 yildin bériqi eng yuqiri sewiyige yetken . Shundaqla yene xelq pulining qimmiti éship kétishtek ehwalgha duch kelgen. Mutexessisler, xitayning noqul memuriy wastilargha tayinip iqtisadtiki qizip kétish weziyitige xatime bérelmeydighanliqini bildürmekte. Xelq bankisining qararidin kéyin jüme küni xitayda dollarning her qaysi asasliq pullar bilen bolghan almashturush qimmiti téz arida özgerdi. Dollarning pul- mu'amile baziridiki körsetküchi 86 ge yéqinliship, 85.89 Gha chiqqan. (Erkin)