Mutexessisler xitayning amanet qerz ösümini yuqiri kötergenlikige her xil baha bérishti

Xitay hökümiti yéqinda amanet qerz ösümini yuqiri kötergenlikini jakarlighandin kéyin, mutexesislerxitayning amanet qerz ösümini tuyuqsiz yuqiri kötürüshi meblegh sélishning qizip kétishi bilen mal bahasining örlep kétishini kontrol qilish jehette anche chong rol oynimaydu, dep qarighan.

Analizchilarning qarishiche, xitaydiki pul paxalliqining qedimi tizginlenmise xitay hökümiti kéler yilimu amanet qerz ösümini östürüshke mejbur bolushi mümkin. Amérikiliq analizchilar, xitay hökümiti iqtisadi tereqqiyat sür'iti roshen derijide astilimighiche amanet qerz ösümini dawamliq östürüshi mümkin, dep qarimaqta.

Amérika hökümitidiki emeldarlar, xitayning amanet qerz ösümini östürüsh tedbiri bush hökümitining xelq puli bilen dollarning qimmitini tengshesh yolidiki bésimining netijisi dep qarimaqta. Biraq xitay emeldarlar amanet qerz ösümini yuqiri kötürüsh qarari, xitay iqtisadining heddidin ziyade qizip kétishini tizginlesh tedbirining bir qisimi dep chüshendürgen. Xitay iqtisadining tereqqiyat sür'iti yéqinqi 10 yildin béri yiligha 8 - 9 ٪ etrapida ösüp bériwatqan bolup, bu weziyet xitay iqtisadining qizip kétishidek ehwalni keltürüp chiqarghan. Iqtisadning qizip kétishi pul paxalliqigha yol achqan. (Erkin)