Xitay xelq pulining qimmitini kötürüsh bésimigha bash egmeydighanliqini bildürdi


2005-05-12
Share

Xitay xelq bankisi peyshenbe küni chet'elning qattiq bésimigha uchrisimu, xelq pulining qimmitini östürmeydighanliqini bildürdi. Xitay xelq bankisining mu'awin bashliqi wu shyawling bu sözni peyshenbe küni xelq bankisining tor bétide élan qilghan.

Fransiye axbarat agéntliqining xewirige qarighanda, wu shyawling: amérika dölet mejlisi "eger béyjing xelq pulining qimmitini qayta tengshimise, xitaydin import qilinidighan mallargha jaza xaraktérlik baj alimiz" dep tehdid séliwatidu. Bir qisim kishiler buning bilen, béyjingning on yildin buyan yürgüzüp kelgen xelq pulini amérika dollirigha baghlashtek tégishish tüzümini özgertishidin gumanliniwatidu. Biraq, bundaq gumanlar béyjingning qarar chiqirishi üchün paydisiz - dégen.

Buning aldida, bezi melumatlarda xitayning 18 - may küni xelq pulining qimmitini qayta tengsheydighanliqi heqqide xewerler tilgha élin'ghan. Bu xelq'ara tashqi périwot bazirida chong dawalghushlarni keltürüp chiqarghan idi.

Xitay hökümiti nöwette bir dollarni sekkiz yü'en yigirme fung etrapida tégishishtek muqim tégishish qimmiti tüzümini yolgha qoyup kelgen bolup, bu amérika we yawrupa birlikining qattiq naraziliqini qozghighan. Ularning qarishiche, xitay bu xil tüzüm arqiliq tashqi sodida nurghun menpe'et almaqta iken. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet