Хенән өлкисидә қан сетиш әһвали техиму әвҗ алмақта


2007-09-08
Share

Хитайдики мәшһур әйдиз бимарлири һимайичиси дохтур гав хуйҗе йеқинда хоңкоңда, хенәндики әйдиз кәнтиниң қан сетиш вәқәси ашкариланғандин кейин, бу әһвални ташқи дунядин йошуруш үчүн, нөвәттә қан сетиш һәрикитиниң йәр асти өйләргә йөткәлгәнликини, мәзкүр қан сетиш понкитлириниң кечә саәт 12 дә иш башлап, әтиси әтигән 6 дә иш тохтидиғанлиқини билдүрди.

Дохтур гавниң билдүрүшичә, қан сетиш һәрикити һазир хитайниң гуйҗо, шәнши вә гуаңдоң қатарлиқ җайлириға кеңәйгән болуп, әйдиз бимарлириниң пулини алдап еливелиш үчүн сахта дохтурлар көпийип кәткән, һәтта виҗдани йоқ бир қисим дохтурлар қан елишқа тегишлик болмиған бимарлардин қан елип, қан сетип пул тепиш йолиға киргән әмма бу әһвалға һөкүмәт тармақлири сәл қаримақта икән.

Дохтур гав хуйҗе, хенәндә әйдизниң тез сүрәттә тарқиливатқанлиқини, буниң алдини елиш үчүн қан сетиш понкитлирини битчит қилиш керәкликини оттуриға қойған хенәндики бирдин бир тибби хадим, әмма хенән даирилири униң әйдизни контрол қилиш һәққидики пикирлиригә писәнт қилмайла қалмай, уни бир муддәт назарәт астиға елип, мухбирларниң зиярәт қилишидин чәклигән. Бирақ хәлқара тәшкилатларниң юқири баһасиға еришкән дохтур гав хуйҗе америка тәрипидинму мукапатқа еришкән. (Өмәр қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт