Хитай бөлүнүшкә қарши бир қанун йолға қоймақчи


2004.12.17

Җүмә күни хитай хәлқ қурултийи даимий комитети бөлүнүшкә қарши йеңи бир қанунни йолға қойидиғанлиқини җакарлиди. Сиясий анализчиларниң ейтишичә, бу қанунниң асаслиқ мәқсиди тәйвәнниң рәсмий мустәқиллиқ елан қилишиниң алдини елиш икән.

Шинхуа агентлиқиниң билдүрүшичә, бөлүнүп чиқишқа қарши қанун лайиһиси хитай хәлқ қурултийиниң 25 - вә 29 - дикабир күнлири арисида өткүзүлидиған йиғинида музакирә қилинидикән.

Шинхуа агентлиқи хәвиридә, тәйвән мәсилиси тилға илинмиғинидәк, қанунниң немиләрни өз ичигә алғанлиқи һәққидиму тохталмиған.

Лекин хитай сиясий мутәхәссислириниң билдүрүшичә, мәзкур қанун тәйвәнниң мустәқиллиқ елан қилишини қанунсиз бир һәрикәткә айландуруп, хитай һөкүмитиниң қайси шәртләр астида тәйвәнгә қарши қорал ишлитишини муәййәнләштүридикән.

Франисйә ахбарат агентлиқиниң хәвәр қилишичә, вухәндики җиянхән унивәрситетиниң профессори ю юнҗо, әгәр тәйвән билән тинч бирлишиш мумкин болмиған әһвал астида, чоң қуруқлуқ һөкөмитиниң һәрбий күч ишлитиш мәсилиси қанун билән бәлгилиниши керәк, дигән.

Хитай һөкүмити, әгәр тәйвән мустәқиллиқ елан қилса вә я чоң қуруқлуқ билән қайтидин бирлишиш мәсилисидә давамлиқ пут тирәҗисә, тәйвәнгә қарши һәрбий күч ишлитидиғанлиқини билдүрүп, тәһдид селип кәлмәктә. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.