Sichüen soti qiyin- qistaq arqiliq érishken jinayi pakitlarni ishlitishni cheklidi


2005.04.15
Share on WhatsApp
Share on WhatsApp

Xitayning sichüen ölkilik aliy sot mehkimisi qarar chiqirip, qiyin- qistaq we aldash qatarliq wasitiler arqiliq érishken jinayi pakitlarni sotta ispat qatarida ishlitishke bolmaydighanliqini belgilidi.

Amérika birleshme axbarat agéntliqining xewirige qarighanda, xitay sot mehkimisining peyshenbe küni chiqarghan bu qarari, xitay puqrasi yü shyanglinning dilosi xelq arisida keng ghulghula qozghighandin kéyin élan qilin'ghan.

Xewerge qarighanda, yü shyanglin 10 kün qattiq qiyin- qistaqqa élin'ghan ehwal astida, özining ayalini öltürgenlikini " étirap" qilghan. Buning bilen, yü shiyanglin 1994 - yili " qatilliq jinayiti" bilen ölüm jazasigha höküm qilinip, kiyin jazasi 15 yilliq qamaq jazasigha yenggillitilgen.

Bu yilning bashliri, yü shyanglinning ayali tuyuqsiz qayta peyda bolghandin kiyin, u aqlinip qoyup bérilgen. Yü shyanglinning naheq 11 yil türmide yatqanliqi, xitaydiki qiyin- qistaqqa élip mejburiy iqrar qildurush ehwalining éghirliqini gewdilendürgen.

Kishilik hoquq teshkilatliri, pa'aliyetchiliri we adwokatlar gerche sichüen aliy sot mehkimisining bu qararini qarshi alghan bolsimu, biraq xitayning qanun tüzülmiside tüpki özgirish bolmighuche, bundaq qararning peqet simwolluq rol oynaydighanliqini körsetken. Ularning qarishiche, xitayda qiyin- qistaqqa élip mejburiy iqrar qildurush qanunsiz bolsimu, emma saqchilar we bashqa organlarning jinayet gumandarlirini urup, mejburiy iqrar qilduridighan qilmishliri yenila intayin éghir iken. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.