Ali sot mehkimisi déhqanlarning yer- zémin hoquqi toghrisidiki qanun'gha izahat berdi


2005.07.29
Share on WhatsApp
Share on WhatsApp

Xitay ali sot mehkimisi jüme küni qanun'gha chüshendürüsh bérip, yerlik sot mehkimilirini qolida toxtamnamisi bar dihqanlarning yer - zimin hoquqini qoghdashni telep qildi.

Shinxu'a axbarat agéntliqining tekitlishiche, xitay ali sot mehkimisining mu'awin bashliqi xu'ang songyo, jüme küni béyjingda muxbirlarni kütüwélish yighini chaqirip, ali sotning qarari boyiche, yerlik sotlar dawagerlerning yer - zémin hoquqigha da'ir erznamisini qobul qilishi kérek, dep körsetken. Xu'angning tekitlishiche, eger dawagerning qolida yer toxtamnamisi bolsa, ularning hoquqi dexli - terüzge uchrimasliqi kérekken.

Shinxu'a axbarat agéntliqi bezi rayonlarda yerlik da'irilerning shirketler bilen til biriktürüp, déhqanlarning yer - zémin hoquqigha dexli - terüz qiliwatqanliqini bildürdi.

Közetküchilerning tekitlishiche, ali sotning qarari Uyghur aptonom rayonida déhqanlar üchün ijabiy xewer hésablinidiken. Chünki qizilsuda atush shehiridiki da'iriler shoruxtiki déhqanlarni yer- zéminini "jüntong" dep atilidighan bir shirketke sétishqa mejburlighan.

Uyghur aptonom rayonining re'isi ismayil tiliwaldi "jüntong" ning bash mudirini qobul qilghanda, mezkur shirketke qizilsu, xoten we qeshqerdiki yer - zémin tijaritini asanlashturush béridighanliqini wede qilghan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.