Win jyabaw yuqiri qatlamdiki maliye tekshürüsh xizmitini qanun boyiche bir terep qilishni telep qildi

Xitay bash ministiri wén jyabaw, 5 ‏- iyul dölet kabinti da'imi hey'etler yighinida, li jingxu'a ashkarilighan merkizi organ yuqiri qatlamlirida yüz bergen qanunsiz qilmishlar üstidin tekshürüsh élip bérishni telep qildi.

Xitay xewer agéntliqining 6 ‏- iyul künidiki xewirige qarighanda, ötken yili xitayning yuqiri qatlam organlirida 106 qétim qanun'gha éghir derijide xilapliq qilish dilosi yüz bergen bolup, bügün'ge qeder 176 ademning mesilisi qanun boyiche bir terep qilin'ghan, qalghan 762 ademning bir qisimlirigha agahlandurush we bir qisimlirigha mesilining derijisige qarap yinik we éghir derijide jaza bérilgen.

Xitayda " bashqilarni renjitishtin qorqmaydighan adem " dep dang chiqarghan bash teptish li jingxu'a, 1999 ‏-yili 6 ‏- ayda tunji qétim yuqiri qatlam organliri üstidin tekshürüsh élip bérip doklat teyyarlighandin buyan, her yili merkizi hökümet organlirida iqtisadiy xiyanetchilik mesilli'iri ashkarlinishqa bashlighan.

Bu yil 64 yashqa kirgen bash teptish li jingxu'a xitay metbu'atlirining 2004 ‏- yilliq dangliq erbab digen namigha érishken bolup, uni kishiler " teptish xenjirini merkizi hökümettiki aliy hoquqluq kishilerge sanjidi " diyishidiken. (Eqide)