Xitayda ellik yildin buyan körülüp baqmighan qar apiti yüz bérip qatnash palech boldi


2008-01-30
Share

Xitay uchur wastilirining bayan qilishiche, xitayda ellik yildin buyan körülüp baqmighan qar apiti yüz bergendin kéyin, xitaydiki muhim qatnash wastiliri palech halgha chüshüp qalghan. B b s ning bayan qilishiche, xitaydiki eng chong qatnash liniyisi bolghan béyjing -gu'angju tömür yoli palech bolup, gu'angjuda poyiz kütüp 10 kün saqlighan we bilet alalmaywatqan yoluchilar sani 800 minggha yetken.

Xitay hökümiti buninggha tolimu kéchikken halda inkas qayturup, qatnash tügünliridiki tok yollirini rémont qilish we yoluchilargha yardem bérish üchün 500 ming esker ajratqan. Xitay bash ministiri wén jyabaw hökümetning jidiy tedbir qollinalmighanliqi üchün ochuq epu soraydighanliqini bildürgen. Mulahizichilerning éytishiche, bu kommunist hökümitining tunji qétim xelqtin epu sorishi bolsa kérek.

Xitayning shinjang gézitide bayan qilinishiche, xoten, qeshqer, aqsu, qizilsu qatarliq wilayetlerde apetke uchrighan adem sani 292 ming 900 ge yetken. 607 Öy örülgen, 888 öy zexmilen'gen. 44550 Tuyaq charwa ölgen. Omumi iqtisadiy ziyan 87 milyon 414 ming yüendin ashqan. Ili, börtala, altay rayonlirida deryalargha muz arilash kelkün kelgen. Bu rayonlarning apetke uchrash ehwali heqqide téxiche toluq melumat yoq.

Xewer éytilishiche, aptonom rayonluq partkom qar apitige uchrighan rayonlarni qutquzush üchün 113 tonna ashliq, 105 tonna yéqilghu kömür we bashqa yotqan -körpe qatarliq nersilerni teyyarlighanliqini jakarlighan. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet