Шәншидики "қара хумдан" вәқәсидә сақчи вә йәрлик әмәлдарларниң қоли бар


2007-06-22
Share

Тәкшүргүчиләр җүмә күни шәншидики қуллар сәтчилики "қара хумдан" вәқәсидә сақчи вә йәрлик әмәлдарларниң қоли барлиқини елан қилди. Шинхуа ахбарат агентлиқиниң хәвәр қилишичә, хитайниң әмгәк вә иҗтимаий капаләт министирлиқиниң муавин министири сүн бавшуй, тәкшүргүчиләрниң шәншидики қанунсиз хумданларниң тиҗарәт паалийитидә йәрлик әмәлдарлар вә сақчиларниң четишлиқи барлиқини байқиғанлиқини әскәртип, мунасивәтлик кишиләрни һоқуқидин пайдилинип шәхси нәпсигә чоғ тартиш билән әйиблигән вә "сәтчиликниң интайин еғир дәриҗидә икәнликини" билдүргән.

Сүн бавшуйниң җүмә күни ахбарат йиғинида әскәртишичә, тәкшүргүчиләр һазирға қәдәр қара хумданлиқтин 359 кишини азад қилған болуп, бу 12 нәпәр өсмүр билән 65 нәпәр нервисидин адашқан кишиләрни өз ичигә алидикән. Сақчилар нөвәттә қарар хумдан вәқәси билән мунасивәтлик 35 кишини қолға алди вә йәнә 20 киши үстидин тутуш буйруқи чиқарди.

Шәнши өлкисиниң өлкә башлиқи йүй йовҗүн, җүмә күни вәқә мунасивити билән зиянкәшликкә учриғучилардин әпу сориған. Йүй йовҗүн әпу сораштин 2 күн бурун хитай баш министири вен җябав, дөләт кабинтиниң йиғинида бу вәқәни " бу бир қанунсиз қилмиш болупла қалмай , кишиләрни гөрүгә еливелиш вә әркинликтин мәһрум қилиш вәқәси" дәп әйиблигән иди.

Шинхуа ахбарат агентлиқи, шәнши өлкиси юңҗи райониниң әмгәк идарисидики икки әмәлдарниң қолға елинғанлиқини хәвәр қилди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт