Қара хумдан вәқәсигә алақидар 95 нәпәр һөкүмәт хадимиға җаза берилди


2007-07-16
Share

Хитайниң шәнши өлкисидә мәйданға кәлгән қара хумдан қул ишчилиқ вәқәси паш болғандин кийин хитай һөкүмити бу вәқәгә алақидар һөкүмәт әмәлдарлири вә сақчи даирилиридин болуп нурғун кишиләрни қолға алған иди.

Ройтерс агентлиқиниң 16- июл күни бейҗиңдин хәвәр қилишичә, шәнши һөкүмити дүшәнбә күни сот һөкүм нәтиҗисини елан қилған болуп, шәнши тәвәсидики линфен вә йүнчең шәһәрлиригә тәвә 8 наһийидин кәлгән қара хумдан вәқәсигә алақидар 95 нәпәр һөкүмәт хадимиға җаза бәргән . Уларға вәзиписидин қалдуруш, дәриҗисини төвәнлитиш, партийидин һәйдәп чиқириш вә агаһландуруш қатарлиқ җазалар берилгән.

Шәнши өлкилик партком интизам тәкшүрүш комитетидики юқири дәриҗилик әмәлдар яң сенлинниң билдүрүшичә, қара хумдан сәтчиликиниң мәркизи болған хуңтуң наһийиси парткомниң муавин секретари партийидин қоғлап чиқирилған вә башқа алтә нәпәр һөкүмәт әмәлдариниң җинайи қилмишлири ичкириләп тәкшүрүлмәктә икән.

яң: "хумдан игилириниң бивастә мәсулийитидин башқа, "қара хумдан" вәқәси, асасий қатлам партийә әмәлдарлириниң назарәттики бошаңлиқи вә хизмәттики бихәстилики сәвәблик келип чиққан" дәйду.

Алдинқи айда шәнши вә башқа җайлардики "қул ишчи" сәтчиликигә четишлиқи бар хумдан вә кан игидарлиридин 130 дин көпрәк киши қолға елинған вә 500 дин артуқ "қул ишчи" азат қилинған иди.

Бу айниң бешида, мәзкур игидарлар үстидин сот ечилған болсиму, һазирғичә нәтиҗә елан қилинмиди. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт