Qara xumdan weqesige alaqidar 95 neper hökümet xadimigha jaza bérildi
2007.07.16
Xitayning shenshi ölkiside meydan'gha kelgen qara xumdan qul ishchiliq weqesi pash bolghandin kiyin xitay hökümiti bu weqege alaqidar hökümet emeldarliri we saqchi da'iriliridin bolup nurghun kishilerni qolgha alghan idi.
Roytérs agéntliqining 16- iyul küni béyjingdin xewer qilishiche, shenshi hökümiti düshenbe küni sot höküm netijisini élan qilghan bolup, shenshi tewesidiki linfén we yünchéng sheherlirige tewe 8 nahiyidin kelgen qara xumdan weqesige alaqidar 95 neper hökümet xadimigha jaza bergen . Ulargha wezipisidin qaldurush, derijisini töwenlitish, partiyidin heydep chiqirish we agahlandurush qatarliq jazalar bérilgen.
Shenshi ölkilik partkom intizam tekshürüsh komitétidiki yuqiri derijilik emeldar yang sénlinning bildürüshiche, qara xumdan setchilikining merkizi bolghan xungtung nahiyisi partkomning mu'awin sékrétari partiyidin qoghlap chiqirilghan we bashqa alte neper hökümet emeldarining jinayi qilmishliri ichkirilep tekshürülmekte iken.
Yang: "xumdan igilirining biwaste mes'uliyitidin bashqa, "qara xumdan" weqesi, asasiy qatlam partiye emeldarlirining nazarettiki boshangliqi we xizmettiki bixestiliki seweblik kélip chiqqan" deydu.
Aldinqi ayda shenshi we bashqa jaylardiki "qul ishchi" setchilikige chétishliqi bar xumdan we kan igidarliridin 130 din köprek kishi qolgha élin'ghan we 500 din artuq "qul ishchi" azat qilin'ghan idi.
Bu ayning béshida, mezkur igidarlar üstidin sot échilghan bolsimu, hazirghiche netije élan qilinmidi. (Jüme)
Munasiwetlik maqalilar
- Ish tashlap namayish qilghan aqqun ishchilar hujumgha uchridi
- Jismaniy xorluqqa uchrighan "qul ishchilar" ning sani 53 minggha yetken
- Shenshidiki "qara xumdan" weqeside saqchi we yerlik emeldarlarning qoli bar
- Ishchilarni xorlash qilmishliri dawamliq pash bolmaqta
- Shenshidiki qara xumdanliqtin yene 80 qul ishchi qutquzuldi
- Xitayda bu yil 24 milyon adem ishsizlar sépige qoshulidiken
- Xitay talantliq ademliridin ayrilip qalmaqta
- Xitay hökümiti kéler yili 15 milyon ademge ish tépip bérelmeydu
- Xangjuda 3000 neper ishchi - xizmetchi namayish ötküzdi