Ву баңго хоңкоң өктичи партийә парламент әзаси ляң гошюңниң қаршилиқиға учриди


2006.12.04

Хоңкоңда зиярәттә болған хитай хәлқ қурултийиниң рәиси ву баңго өткән шәнбә күни бир кәчлик зияпәттә хоңкоң парламентиниң демократик өктичи әзаси ляң гошюңниң кишилик һоқуқ наразилиқиға учриди. Шу күни хоңкоң алаһидә мәмури район һөкүмити ву баңгониң шәрипигә бәргән кәчлик зияпәттә, юқири аваз билән 4 - июн вәқәсини ақлашни, сиясий мәһбусларни қоюветишни тәләп қилди.

Хоңкоң мәтбуатлириниң хәвәр қилишичә, ляң гошюң тәртипни сақлиғучилар тәрипидин зияпәт мәйданидин қоғлап чиқирилған. Ляң гошюң хоңкоңдики 5 - април һәрикити, дәп атлидиған бир сиясйи тәшкилатниң рәһбири шундақла хоңкоң парламент әзаси.

Хоңкоң алаһидә мәмури район һөкүмити шәнбә күнки ву баңгони қарши елиш зияпитигә хоңкоңниң һәр қайси саһәлиридики 400 дин артуқ кишини тәклип қилған болуп, ляң гошюң тәклип қилинған меһманларниң бири иди. Лекин у 1960 - йиллардики куба партизанлириниң рәһбири чей гвараниң рәсими бесилған майка кийип зияпәткә қатнашмақчи болғанда рухсәт қилинған. Униң ву баңгоға бәрмәкчи болған илтимасиму мусадирә қилинди.

Нөвәттә хитай рәһбәрлири хоңкоң вә чәтәлни зиярәт қилғанда шу дөләт вә райондики кишиләрниң һәр хил демократик тәләплири уларни әң биарам қилидиған мәсилә болуп қалди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.