Xitay bankiliridiki passip qerz miqdari xitay élan qilghandinmu köp


2006.05.03
Share on WhatsApp
Share on WhatsApp

En'gliyide chiqidighan maliye waqti gézitining xewer qilishiche, nöwette xitay bankiliridiki passip qerz miqdari 900 milyard amérika dollirigha yetken bolup, bu san xitay hökümiti élan qilghandinmu köp iken.

Xitayning passip qerz mesilisige a'it bu doklatni dangliq xelq'ara boghaltiriye shirkiti bolghan érnést end yang shirkiti élan qilghan bolup, xitayning dölet igilikidiki 4 chong bankisiningla 358 milyard amérika dolliriliq passip qerzi bar iken. Bu san xitay da'iriliri élan qilghandin ikki hesse köp bolghan.

Maliye waqti gézitining xewiride körsitilishiche, xitayning bundaq zor passip qerzge boghulup qélishidiki seweb, asasliqi iqtisatning téz sür'ette éshishigha egiship, bankilarning tarqatqan qerz pul bérish miqdarimu jiddiy ashqan. Passip qerz xitayning dölet igilikidiki bankilirida körülüpla qalmay, dölet igilikidiki meblegh shirketliri hetta nurghun yéza rayonliridiki qerz bérish organlirighiche chétilghan.

Xitay maliye séstimisida passip qerzning bundaq köpiyip kétishi, xitayning 4 chong dölet igilikidiki bankisining xelq'ara maliye bazirigha kirishige tosqunluq qilidiken. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.