چىڭخەيدە قوراللىق لۈكچەكلەرگە ئۆلۈم جازاسى بېرىش ھەققىدىكى ھۆكۈم قايتىدىن كۈچكە ئىگە بولغان


2006.10.25
Share on WhatsApp
Share on WhatsApp

'رويترس ئاگېنتلىقى' نىڭ بېيجىڭدىن خەۋەر قىلىشىچە، چىڭخەي ئۆلكىسىدىكى خەيدوڭ سوت مەھكىمىسى بۇلتۇر ئۆكتەبىردە قوراللىق لۆكچەكلەر گۇروھىنىڭ كاتىۋاشلىرىدىن ما زېيىڭ، جاڭ چىنمىڭلارغا ئۆلۈم جازسسى ھۆكۈم قىلغان ئىدى. بۇ كىشىلەر پاكىستاندىن 914 دانە مىلتىق، 1556 دانە مىلىتىق زاپچىسى سېتىۋېلىپ، ئۇنى بىر نەچچە ئۆلكە ياكى ئاپتونوم رايوندا ساتقان. بۇ دېلو ئەينى ۋاقىتتا 1949 ‏- يىلى كوممۇنىست ھاكىمىيىتى قۇرۇلغاندىن كېيىنكى ئەڭ چوڭ قانۇنسىز قورال سودىسى دەپ بېكىتىلگەن. ئەمما بۇ سوت مەھكىمىسىنىڭ چىقارغان ھۆكۈمى چىڭخەي ئۆلكىلىك يۇقۇرىي سوت مەھكىمىسى تەرىپىدىن ئەمەلدىن قالدۇرۇلغان.

خەۋەردە بايان قىلىنىشىچە، خىتاينىڭ غەرب تەرىپىدىكى چىڭخەيدە بىر سوت مەھكىمىسى بۇ قورالللىق لۈكچەكلەر نىڭ ئىككى نەپەر كاتىۋېشىغا ئۆلۈم جازاسى بېرىش ھەققىدىكى ھۆكۈمىدە چىڭ تۇرۇپ، بۇ ھۆكۈمنى يېقىندا قايتىدىن كۈچكە ئىگە قىلغان.

خىتاي جامائەت خەۋپسىزلىكى مىنىسىتىرلىكىنىڭ بايان قىلىشچە، گەرچە ھازىر خىتايدا پۇقرالارنىڭ مىلىتىققا ئىگە بولۇشى ئىنتايىن قېيىن بولسىمۇ، ئەمما خىتاي ساقچىلىرى بۇيىل 6 ‏- ئايدىن 8 ‏- ئايغىچە 117 مىڭ دانە مىلتىقنى قولغا چۈشۈرگەن. 50 مىڭ ئادەمنى تۇتقان، ئۇنىڭ ئىچىدىكى 1000 دىن ئارتۇق ئادەمنىڭ ئۈستىدىن سوتقا شىكايەت سۇنغان. (ۋەلى)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت