Чиңхәйдә қораллиқ лүкчәкләргә өлүм җазаси бериш һәққидики һөкүм қайтидин күчкә игә болған

'Ройтрс агентлиқи' ниң бейҗиңдин хәвәр қилишичә, чиңхәй өлкисидики хәйдоң сот мәһкимиси бултур өктәбирдә қораллиқ лөкчәкләр гуроһиниң кативашлиридин ма зейиң, җаң чинмиңларға өлүм җазсси һөкүм қилған иди. Бу кишиләр пакистандин 914 данә милтиқ, 1556 данә милитиқ запчиси сетивелип, уни бир нәччә өлкә яки аптоном районда сатқан. Бу дело әйни вақитта 1949 ‏- йили коммунист һакимийити қурулғандин кейинки әң чоң қанунсиз қорал содиси дәп бекитилгән. Әмма бу сот мәһкимисиниң чиқарған һөкүми чиңхәй өлкилик юқурий сот мәһкимиси тәрипидин әмәлдин қалдурулған.

Хәвәрдә баян қилинишичә, хитайниң ғәрб тәрипидики чиңхәйдә бир сот мәһкимиси бу қоралллиқ лүкчәкләр ниң икки нәпәр кативешиға өлүм җазаси бериш һәққидики һөкүмидә чиң туруп, бу һөкүмни йеқинда қайтидин күчкә игә қилған.

Хитай җамаәт хәвпсизлики миниситирликиниң баян қилишчә, гәрчә һазир хитайда пуқраларниң милитиққа игә болуши интайин қейин болсиму, әмма хитай сақчилири буйил 6 ‏- айдин 8 ‏- айғичә 117 миң данә милтиқни қолға чүшүргән. 50 Миң адәмни тутқан, униң ичидики 1000 дин артуқ адәмниң үстидин сотқа шикайәт сунған. (Вәли)