Chingxeyde qoralliq lükcheklerge ölüm jazasi bérish heqqidiki höküm qaytidin küchke ige bolghan

'Roytrs agéntliqi' ning béyjingdin xewer qilishiche, chingxey ölkisidiki xeydong sot mehkimisi bultur öktebirde qoralliq lökchekler gurohining katiwashliridin ma zéying, jang chinminglargha ölüm jazssi höküm qilghan idi. Bu kishiler pakistandin 914 dane miltiq, 1556 dane militiq zapchisi sétiwélip, uni bir nechche ölke yaki aptonom rayonda satqan. Bu délo eyni waqitta 1949 ‏- yili kommunist hakimiyiti qurulghandin kéyinki eng chong qanunsiz qoral sodisi dep békitilgen. Emma bu sot mehkimisining chiqarghan hökümi chingxey ölkilik yuquriy sot mehkimisi teripidin emeldin qaldurulghan.

Xewerde bayan qilinishiche, xitayning gherb teripidiki chingxeyde bir sot mehkimisi bu qorallliq lükchekler ning ikki neper katiwéshigha ölüm jazasi bérish heqqidiki hökümide ching turup, bu hökümni yéqinda qaytidin küchke ige qilghan.

Xitay jama'et xewpsizliki minisitirlikining bayan qilishche, gerche hazir xitayda puqralarning militiqqa ige bolushi intayin qéyin bolsimu, emma xitay saqchiliri buyil 6 ‏- aydin 8 ‏- ayghiche 117 ming dane miltiqni qolgha chüshürgen. 50 Ming ademni tutqan, uning ichidiki 1000 din artuq ademning üstidin sotqa shikayet sun'ghan. (Weli)