Хәлқара қизил крест җәмийити хитайға тәкшүрүш өмики әвәтти

Уруш дәвридики пуқралар вә мәһбусларға муамилә қилиш тоғрисидики җәнвә әһдинамисини назарәт қилиш оргини болған хәлқара қизил крест җәмийити, җүмә күни рәсми вәкилләр өмикини хитайға йоллиди.

Франсийә ахбарат агентлиқиниң хәвәр қилишичә, қизил крест җәмийитиниң рәиси якуб киллинбергер башчилиқидики вәкилләр өмики, 20 - июнда хитай дөләт рәис ху җинтав билән көрүшидикән. Киллинбергер, инсанпәрвәрлик нуқтисидин алғанда бу қетимқи зиярәтни қизил крест җәмийитиниң зор мувапиқийити, дәп тәкитлигән. Униң әскәртишичә, б д т хәвпсизлик кеңишиниң даимий әза дөлитини зиярәт қилиш пәвқулладә муһим әһмийәткә игикән.

Мәркизи шветсийидики мәзкур орган, һәр қайси дөләтләрниң җәнвә әһдинамисини иҗра қилиниш әһвалини назарәт қилиш вәзиписини үстигә алған болуп, хитай армийиси вә қораллиқ қисимлириға инсанпәрвәрлик қануни тоғрисида мәслиһәт бериш хизмити билән шуғулланмақтикән. Келлинбергер, "хитайда хәлқаралиқ тоқунуш яки хәлқаралиқ болмиған тоқунушлар йоқ," дәп тәкитлигән.

Франсийә ахбарат агентлиқиниң тәкитлишичә, келлинбергер хитай һөкүмити йол қойса, тибәт, уйғур аптоном райони қатарлиқ милләтләр мунасивити сәзгүр җайларни зиярәт қилидиған яки қилмайдиғанлиқини һәққидә бирнемә демигән.(Әркин)