Qirghizistanda qizil gül inqilabining 2 yilliqi xatirilendi

Qirghizistan xelqi 24‏- mart küni qizil göl inqilabi dep atalghan, esqer aqayif hakimiyitining xelq qozghilangi bilen aghdurulghanliqining 2 yilliqini daghdughiliq murasimlar bilen xatirilidi.

Ikki yil burun del mushu küni, qirghizistanning paytexti béshkek shehirining merkizide toplan'ghan 30000 etrapidiki namayishchi, prézidént sariyigha hujum qilghan. Namayishchilarning prézidént sariyigha hujum qilish aldida turghanliqidin xewer tapqan prézidént aqayif a'ilisi bilen birlikte qirghizistandin qéchip, rusiyide panahlan'ghan. Esqer aqayifdin kéyin hakimiyet béshigha kelgen prézidént baqiyif, 24‏- mart künini resmiy tetil küni dep élan qilghan.

Lékin, qirghizistanda yüz bergen qizil göl inqilabi dep atalghan siyasiy özgirishtin uzun ötmey, esqer aqayif hakimiyitini aghdurushta muhim rol oynighan siyasiy rehberler otturisida ixtilap chiqishqa bashlidi. Bügün qizil gü énqlabigha qatnashqan we bu künni resimi tetil küni dep élan qilishi üchün prézidént baqiyifqa bésim qilghan filikis qoluf qatarliq siyasiy rehberler baqiyifge qarshi meydanda turup, uninggha qarshi siyasiy küresh élip barmaqta. (Qanat)