Японийә хитайдики 2 - дуня урушида қелип қалған химийилик қоралларни тазилайду

японийә һөкүмити 2 - дуня уруши җәрянида японийә армийиси хитайда қалдуруп қойған химийилик қоралларни тазилаш әслиһәси қурушқа 2 милярд 800 милйон доллар аҗратти.

Франсийә ахбарат агентлиқиниң хәвәр қилишичә, японийә хитай һөкүмити билән бу йил 4 - айда химийилик қоралларни тазилаш мәсилилири бойичә келишим түзгән. Келишимгә асасән японийә һөкүмити бир йил ичидә хитайда химийилик қоралларни бир тәрәп қилиш әслиһәлирини қуруп чиқип, 2007 - йилғичә японийә армийиси хитайда қалдуруп кәткән барлиқ химийилик қоралларни йоқитиду.

японийә тәрәпниң пәрәз қилишичә японийә армийиси қалдуруп кәткән хитайдики химийилик қоралларниң сани 7 миң әтрапида болуши мумкин. Хитай тәрәп болса бу санниң 2 милйондин ашидиғанлиқини илгири сүрмәктә. Өткән йили хитайниң хейлоңҗияң өлкисидики чичихар шәһиридә японийә армийиси өз вақтида қалдуруп кәткән химийилик қоллардин хитай пуқралириниң зәһәрлиниш вәқәси йүз берип, бир адәм өлгән 40 дәк адәм яриланғаниди.(Әркин)