Xitay hökümiti qoral ékisport qilish belgilimilirini aqlidi


2004.11.04
Share on WhatsApp
Share on WhatsApp

Xitay hökümiti peyshenbe küni bayanat élan qilip, özining qoral -yaraq ékisport qilishtiki tedbirlirini aqlidi. Buning aldida, amérika hökümet emeldarliri xitayni bashqa ellerge keng kölemde qirghinchilik xaraktérliq qorallarni tarqitish pa'aliyetliri bilen shughullan'ghan dep eyibligen idi.

Amérika birleshme axbarat agéntliqining bildürishiche, xitay tashqi ishlar ministirliqining bayanatchisi jang chiyö xitayning qoral ékisport qilishtiki qanun belgilimilirining intayin ching ikenlikini körsetken.

Xitay hökümiti ötken dékabirda bashqurulidighan bomba, yadro we bi'o- ximiyilik qorallarni ékisport qilishni kontrol qilidighan tünji belgilimisini chiqarghan. Biraq amérika hökümiti xitay shirketlirini iran, pakistan we bashqa döletlerge bashqurilidighan bomba téxnikisi ékisport qilish bilen shoghullinidu dep eyibligen édi.

Ötken heptining axiri amérika mu'awin tashqi ishlar ministiri jon boltun xitayni eyiblep, xitayning bashqa döletlerge keng kölemde qirghinchiliq xaraktérliq qorallarni tarqitish bilen shughulliniwatqanliqini körsetken we xitayning yaponiyide ötküzülgen yadro qorallarning kéngiyishini cheklesh manéwérigha qatnishishni ret qilghanliqidin epsuslan'ghanliqini bildürgen. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet