Хитай һөкүмити яврупа парламентиниң қорал чәклимисини бикар қилмиғанлиқиға наразилиқ билдүрди


2004.11.18
Share on WhatsApp
Share on WhatsApp

Хитай һөкүмити пәйшәнбә күни баянат елан қилип, яврупа бирликиниң хитайға қаратқан қорал ярақ чәклимисини бикар қилишни кишилик һоқоқ мәсилисигә бағлиғанлиқиға наразилиқ билдүрди.

яврупа парламенти чаршәнбә күни хитайниң кишилик һоқоқи хатириси яхшиланмиғичә, хитайға қаратқан қорал чәклимисини бикар қилмаслиқ һәққидә қарар алған иди.

Хитай ташқи ишлар министирлиқиниң баянатчиси җаң чийө баянатида: " яврупа бирликиниң 15 йил бурун чиқарған хитайға қорал сатмаслиқ қарари соғуқ мунасивәтләр урушиниң мәһсули, бу хитай билән яврупа бирлики мунасивитиниң тәрәққиятиға уйғун кәлмәйду" диди. У йәнә яврупа бирликини икки тәрәп мунасивитигә пайдилиқ тәдбир елишқа чақирди.

яврупа бирлики 1989 - йилидики тийәнмин димукратик һәрикитидин кийин, хитайға қорал сетип бәрмәслик чәклимисини йолға қойған иди. Нөвәттә, фирансийә билән гирманийидин башқа яврупа бирликигә әза дөләтләрниң һәммиси бу чәклимини бикар қилишқа қарши туриду. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.