Xitay hökümiti yawrupa parlaméntining qoral cheklimisini bikar qilmighanliqigha naraziliq bildürdi


2004.11.18
Share on WhatsApp
Share on WhatsApp

Xitay hökümiti peyshenbe küni bayanat élan qilip, yawrupa birlikining xitaygha qaratqan qoral yaraq cheklimisini bikar qilishni kishilik hoqoq mesilisige baghlighanliqigha naraziliq bildürdi.

Yawrupa parlaménti charshenbe küni xitayning kishilik hoqoqi xatirisi yaxshilanmighiche, xitaygha qaratqan qoral cheklimisini bikar qilmasliq heqqide qarar alghan idi.

Xitay tashqi ishlar ministirliqining bayanatchisi jang chiyö bayanatida: " yawrupa birlikining 15 yil burun chiqarghan xitaygha qoral satmasliq qarari soghuq munasiwetler urushining mehsuli, bu xitay bilen yawrupa birliki munasiwitining tereqqiyatigha uyghun kelmeydu" didi. U yene yawrupa birlikini ikki terep munasiwitige paydiliq tedbir élishqa chaqirdi.

Yawrupa birliki 1989 - yilidiki tiyenmin dimukratik herikitidin kiyin, xitaygha qoral sétip bermeslik cheklimisini yolgha qoyghan idi. Nöwette, firansiye bilen girmaniyidin bashqa yawrupa birlikige eza döletlerning hemmisi bu cheklimini bikar qilishqa qarshi turidu. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet