Хитай америкиниң тәйвәнгә қорал сетишиға қарши туридиғанлиқини қайта тәкитлиди


2005.09.28
Share on WhatsApp
Share on WhatsApp

Америка дөләт мудапиә министири киләр айда хитайни зиярәт қилишиниң һарписида, хитай һөкүмити баянат елан қилип, америкиниң тәйвәнгә бир милярд долларлиқ қорал сетип бериш пиланиниң икки дөләт мунасивитигә еғир зиян салидиғанлиқини билдүрди.

Хитай ташқи ишлар минситирлиқиниң баянатчиси чин гаң баянатида, " биз америкиниң тәйвәнгә қорал сетип бериши пиланиға һәргизму тәхир қилип туралмаймиз" деди. Чин гаң йәнә, "америкиниң тәйвәнгә қорал сетип бериши, хитайниң дөләт бихәтәрликигә хәвб елип келипла қалмай, йәнә хитай- америка мунасивитини йирикләштүриду" дәп көрсәтти.

Америка бирләшмә ахбарат агентлиқиниң хәвиригә қариғанда, чин гаңниң бу сөзи америка дөләт мудапиә министири доналд рамисфилдниң хитай зияритидин бир нәччә һәптә илгири ейтилған. Доналд рамисфил илгири хитайниң һечқанчә хәвбкә дүч кәлмигән бир шараитта, һәрбий қурулушини күчәйтишиниң мәқситигә соал қойған иди.

Тәйвәнниң америкидин сәккиз данә дезил мейи су асти парахути, 12 су асти парахутиға қарши көрәшчи айрупилан қатарлиқ қоралларни сетивелишни өз ичигә алған пилани тәйвәндики өктичи партийиниң тосқунлиқиға учримақта. Қаршилашқучилар, бу сода,хитай билән һәрбий һазирлиқ риқабитини кәлтүрүп чиқирип, тәйвән иқтисадини вәйран қилиши мумкин дәп қаримақта.

Хитай тәйвәнниң өзиниң бир қисми дәп қарайду. Америка тәйвән хитайниң һоҗумиға учриған шараитта, тәйвәнни қоғдашни вәқә қилған. У тәйвәнниң әң чоң қорал-ярақ тәминлигүчиси. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт