Xitay amérikining teywen'ge qoral sétishigha qarshi turidighanliqini qayta tekitlidi


2005.09.28

Amérika dölet mudapi'e ministiri kiler ayda xitayni ziyaret qilishining harpisida, xitay hökümiti bayanat élan qilip, amérikining teywen'ge bir milyard dollarliq qoral sétip bérish pilanining ikki dölet munasiwitige éghir ziyan salidighanliqini bildürdi.

Xitay tashqi ishlar minsitirliqining bayanatchisi chin gang bayanatida, " biz amérikining teywen'ge qoral sétip bérishi pilanigha hergizmu texir qilip turalmaymiz" dédi. Chin gang yene, "amérikining teywen'ge qoral sétip bérishi, xitayning dölet bixeterlikige xewb élip kélipla qalmay, yene xitay- amérika munasiwitini yirikleshtüridu" dep körsetti.

Amérika birleshme axbarat agéntliqining xewirige qarighanda, chin gangning bu sözi amérika dölet mudapi'e ministiri donald ramisfildning xitay ziyaritidin bir nechche hepte ilgiri éytilghan. Donald ramisfil ilgiri xitayning héchqanche xewbke düch kelmigen bir shara'itta, herbiy qurulushini kücheytishining meqsitige so'al qoyghan idi.

Teywenning amérikidin sekkiz dane dézil méyi su asti paraxuti, 12 su asti paraxutigha qarshi köreshchi ayrupilan qatarliq qorallarni sétiwélishni öz ichige alghan pilani teywendiki öktichi partiyining tosqunliqigha uchrimaqta. Qarshilashquchilar, bu soda,xitay bilen herbiy hazirliq riqabitini keltürüp chiqirip, teywen iqtisadini weyran qilishi mumkin dep qarimaqta.

Xitay teywenning özining bir qismi dep qaraydu. Amérika teywen xitayning hojumigha uchrighan shara'itta, teywenni qoghdashni weqe qilghan. U teywenning eng chong qoral-yaraq teminligüchisi. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.