Xitay amérikining teywen'ge qoral sétish siyasitige qattiq narazi

'Roytrs agéntliqi'ning béyjingdin xewer qilishiche, xitay hökümiti yéqinda amérikining teywen'ge qoral sétip béridighan tashqi siyasitini tenqidleshke bashlidi. Tashqi ishlar ministirliqining bayanatchisi lyujenchaw amérikini agahlandurup 'amérikidiki konsérwatip küchler béyjing hükümitini yiqitish üchün heriket qiliwatidu. Amérika dölet mejlisi buningdin kéyin xitay-amérika munasiwitige paydiliq ishlarni köprek qilishi lazim' dégen.

Xitay tashqi ishlar ministirliqining bayanatchisi lyujenchaw bayanatida yene 'amérika prézidénti jorji bush teywen'ge su asti paraxoti, bombardimanchi ayrupilan, su asti paraxotlirigha taqabil turidighan paraxot, bashqurulidighan bombigha qarshi 'wetenperwer' belgilik qalqan séstimisi sétip bérishni 2001 ‏- yili testiqlighan idi. Bu hazir junggoning iqtisadiy tereqqiyati we bixeterlikige tehdit bolup shekillenmekte' dégen. (Weli)