Xitay xenyü'endiki su ambiri majrasi munasiwiti bilen 10 ming kishilik herbiy orunlashturush élip bardi
2004.11.07
Sichüenning xenyü'en nahiyisidiki su ambiri éliktir qurulushi keltürüp chiqarghan qarshiliq körsitish herikiti we toqunush téxi bésiqmidi. Weziyet yekshenbe küni bir az peseygen. Biraq naraziliq herikiti yene dawam qilmaqta.
Fransiye axbarat agéntliqining shenbe küni xewer qilishiche, toqunushta hazirgha qeder ikki adem ölgen. Yerlik da'irilerning pilanidiki bawbu go su éliktir istansisi qurulushi, shu rayondiki nurghun ahalilarning köchishini keltürüp chiqarghan idi. Puqralar yer mölük we köchürish heqqini az körüp, qurulush meydanida 30 ming kishilik namayish ötküzgen we saqchilar bilen toqunushqan. Saqchilar yash aqquzush bombisi étip, puqralarni tarqitiwétishke urun'ghan idi.
Saqchilar bilen bolghan toqunushta puqralardin ikki kishi ölgen. Fransiye axbarat agéntliqining xongkong metbu'atliridin neqil keltürüshiche, neq meydanni közütishke barghan sichü'en ülkilik partkom sékritari jang shöjong, namayishchilar teripidin bir qanche sa'et görüge éliwélin'ghan. Biraq bu xewerning toghriliqi hökümet da'iriliri teripidin ispatlanmidi. Roytérs axbarat agéntliqining xongkongda chiqidighan " alma " gézitining xewérini neqil keltürüshiche, xitay hökümiti xenyü'en nahiyisining bawbugo etrapidiki rayon'gha on nechche ming kishilik herbiy qisim orunlashturghan. (Erkin)
Munasiwetlik maqalilar
- Xitay hökümiti sichü'ende su ambiri yasashqa qarshi chiqquchilarni qattiq jazalaydighanliqini bildürdi
- Xitaylar bilen tungganlar otturisida yüz bergen toqunushlarda az dégende 20 kishi öldi
- Sichü'endiki naraziliq namayishi jeryanida bir namayishchi urup öltürüldi
- Xitay sot da'iriliri ish tashlashqa qatnashqan besh ishchini türmige tashlidi
- Béyjingda yüzdin artuq yallanma ishchi saqchilar teripidin qattiq dumbalan'ghan
- Enxüyde on mingdin artuq pinsiyige chiqqan ishchi namayish ötküzdi
- Xitay saqchiliri chongchingdiki topilang munasiwiti bilen 40 ademni qolgha aldi
- Chongchingdiki namayishta kishiler saqchi we hökümet binasigha hujum qildi
- Xitay sün'iy hemrahi sichü'endiki ahalilar rayonigha chüshüp ketti
- Bir xitay ishchisi ishqa orunlashturush idarisigha naraziliq bildürüp özige ot qoyup berdi
- Shenshide 10 mingdin köp ishchi ish tashlidi