Jismaniy xorluqqa uchrighan "qul ishchilar" ning sani 53 minggha yetken


2007.06.25

Xitay axbarat wasitilirining xewer qilishiche, xitaydiki qulluqqa tutulush setchiliki ashkarilan'ghandin bashlap hazirgha qeder, kömürkan we xumdanlardin qutuldurulghan jismaniy xorluqqa uchrighan "qul ishchilar" ning sani 53 minggha yetken.

Fransiye agéntliqining xitay metbu'atliridin neqil keltürüshiche, shenshi ölkilik xelq qurultiyi wekili fen düyshyang , tekshürgüchilerning 3 mingdin artuq shirket ‏- zawutlarning ikki mingdin köprekining qanuniy resmiyiti yoq ikenlikini,ularning 53 ming neper aqqun ishchilarni ishletkenlikini bayqighanliqini, bildürgen.

Melum bolushiche, xitay xelq qurultiyi xitaydiki "qul ishchilar" setchilikining qayta yüz bérip qélishining aldini élish üchün yéngidin bir qanun layihisi maqullaydiken.

Xitay axbarat awazlirining xewirige qarighanda, "qul ishchilar" setchilikige soda-sana'et, emgek we saqchi tarmaqliridiki nurghun emeldarlar chétilip qalghan. Uningdin bashqa yene, xénen ölkiside emgek yéshigha toshmighan ösmürlerni öz ichige alghan 600 adem "qulluqtin" azad qilin'ghan.

Aldinqi hepte radi'omiz igiligen melumatlargha qarighanda, qara xumdandin qutuldurup chiqilghanlarning arisida, adil isimlik bir Uyghurning barliqi ashkarilan'ghan bolup, hazirgha qeder uning kéyinki ehwali heqqide tepsiliy melumat élishqa tériship kéliwatimiz.(Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.