Хитайниң шәнши өлкисидә йәнә қул ишчилар байқалди


2007-08-13
Share

13 - Авғуст дүшәнбә күни хитай һөкүмәт хадимлириниң билдүрүшичә, қанунсиз хумданларда ишләшкә мәҗбурланған балиларни өз ичигә алған "қул ишчи" лар азад қилинған.

Шәнши өлкисиниң муавин башлиқи шө яңҗоңниң һөкүмәт торида елан қилған баянатида көрситилишичә, 6- айниң ахиридин буян йәнә 359 нәпәр қуллуққа тутулған аққун ишчи қутқузулған болуп, уларниң ичидә 15 нәпәр бала, 121 роһий мәҗруһ киши бар икән.

Униң ейтишичә, мәзкур ишчилар, йеңидин ашкарилиған 17 орундики қанунсиз хумданлардин байқалған.

6- Айниң башлирида, хитай мәтбуатлири қорамиға тошмиған балиларни өз ичигә алған нурғун кишиләрниң юқири мааш вә яхши тәминат билән алдинип қара хумданларға "қул ишчилиққа" тутулғанлиқини паш қилған иди.

Алдамчиларниң дамиға чүшүп, қара хумданларда ишқа тутулған кишиләр, қулдәк муамилигә учриған вә еғир әмгәккә селинған. Боюнтавлиқ қилғанлири таяққа бесилған.

Шәнши өлкиси әмгәк-суғурта идарисиниң муавин башлиқи сун бавшу , " шәншидики хумданларниң 66 пирсәнти қанунсиз" дәйду.

6- яда шәншидә қутқузулған қул ишчилар ичидә уйғур елидин кәлгән адил исимлик бир уйғурниң барлиқи ашкариланған иди. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт