Xitayning shenshi ölkiside yene qul ishchilar bayqaldi

13 - Awghust düshenbe küni xitay hökümet xadimlirining bildürüshiche, qanunsiz xumdanlarda ishleshke mejburlan'ghan balilarni öz ichige alghan "qul ishchi" lar azad qilin'ghan.

Shenshi ölkisining mu'awin bashliqi shö yangjongning hökümet torida élan qilghan bayanatida körsitilishiche, 6- ayning axiridin buyan yene 359 neper qulluqqa tutulghan aqqun ishchi qutquzulghan bolup, ularning ichide 15 neper bala, 121 rohiy mejruh kishi bar iken.

Uning éytishiche, mezkur ishchilar, yéngidin ashkarilighan 17 orundiki qanunsiz xumdanlardin bayqalghan.

6- Ayning bashlirida, xitay metbu'atliri qoramigha toshmighan balilarni öz ichige alghan nurghun kishilerning yuqiri ma'ash we yaxshi teminat bilen aldinip qara xumdanlargha "qul ishchiliqqa" tutulghanliqini pash qilghan idi.

Aldamchilarning damigha chüshüp, qara xumdanlarda ishqa tutulghan kishiler, quldek mu'amilige uchrighan we éghir emgekke sélin'ghan. Boyuntawliq qilghanliri tayaqqa bésilghan.

Shenshi ölkisi emgek-sughurta idarisining mu'awin bashliqi sun bawshu , " shenshidiki xumdanlarning 66 pirsenti qanunsiz" deydu.

6- Yada shenshide qutquzulghan qul ishchilar ichide Uyghur élidin kelgen adil isimlik bir Uyghurning barliqi ashkarilan'ghan idi. (Jüme)