Вен җябав: лопнур трагедийисиниң гәнсуда йүз беришигә йол қоюлмайду


2005.03.15
Share on WhatsApp
Share on WhatsApp

Хитай баш министири вен җябав, уйғур аптоном районида йүз бәргән қумлишиш трагедийисини гәнсуда йүз беришигә йол қоймайдиғанлиқини билдүрди. Вен җябав дүшәнбә күни йепилған хитай хәлқ қурултийиниң йиғини җәрянида гәнсу вәкиллириниң гуруппа музакирисигә қатнишип, “ биз лопнурдә йүз бәргән трагедийиниң минчиң наһийисидә йүз беришигә йол қоймаслиқимиз керәк,” дәп көрсәткән.

Тунҗи қетим 1964 - йили атом бомба синиқи елип барған хитайниң ядро қораллар синақ мәйдани лопнурға җайлашқан иди. Лопнур көли, тарим ойманлиқиниң шәрқий шималиға тоғра келиду. 20 - Әсирниң башлирида көлими 10 миң квадират километир келидиған лопнур көли, һазир пүтүнләй қуруп кәтти.

1885 - Йили 12 - декабир лопнурдики ядро синиқини тохтитишни тәләп қилип үрүмчидә намайиш қилған уйғур оқуғучилар, хитай даирилири тәрипидин дөләт мудапиәсини аҗизлитишқа урунуш билән әйиплгәнгән иди.

Шинхуа ахбарат агентлиқиниң хәвәр қилишичә, гәнсуниң минчиң наһийисидә қумлишиш сүрити йилиға 20 метир тезлик билән кеңәймәктикән.

Вен җябав, нупуси 300 миң әтрапидики минчиң наһийисиниң муһитини қоғдаш үчүн тиришидиғанлиқини вәдә қилған. Бу қетимқи қурултайда уйғур аптоном райони намидин қурултайға қатнашқан бәзи вәкилләр, қумлушуш сүритини тизгинләш үчүн, уйғур аптоном райониға чиқидиған көчмәнләрни тезгинләшни тәләп қилди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.