Jang zémin, merkizi herbiy ishlar kométitining re'islikidin ayrildi


2004-09-19
Share

Sabiq xitay dölet re'isi jang zémin , xitay merkizi herbiy ishlar kométitining re'islik wezipisidin ayrildi . Xitayning hökümet zuwani shinxwa axbarat agéntliqi, jang zéminning herbiy ishlar kométitidiki wezipisini xitay dölet re'isi xu jingtaw ötküziwalghanliqini xewer qildi.

Xitay qoralliq qisimlirining ali rehberlik orgini bolghan merkizi herbiy ishlar kométitining re'islik wezipisini igilligen jang zémin , xitay dölitining bixeterlik we tashqiy ishlar sahesidiki hoquqi eng zor shexs hisaplinatti . Jang zémin bilen xu jingtaw otturisidiki hoquq kürishi axirqi waqitlarda küchiyishke bashlighan .

Biraq bu qétimqi merkizi kométit yighini arqiliq xu jingtaw partiye , dölet we armiye hoquqini kontrol qildi . Bu xitay yéngi ewlat rehberlirining xitay kompartiyesi 1949 -yili hakimiyet tartiwalghandin béri tunji qétim hoquqni ongushluq ötküzüwélishi bolup hisaplinidu . Jang zémin , 1989 - yildiki ti'an'anmén oqughuchilar herkiti qanliq basturulghandin kéyin hakimiyet üstige chiqqan . Küzetküchiler , jang zéminning hoquqtin ayrilishi qisqa waqit ichide siyaset jehettiki chong özgürüsh peyda qilmasliqi mümkin . Biraq bezi kichik özgürüshlerning yüz béridighanliqini ilgiri sürmekte . Xu jingtaw , jang zéminn'gha qarighanda bir qeder motidil dep qarilidu . (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet