Чиңхәйдә қуш зукими байқалди


2005-05-23
Share

Йеқинда хитайниң чиңхәй өлкисидә қуш зукими байқалғандин кейин, хитай һөкүмити буниң алдини елиш һәққидә җиддий уқтуруш чүшүрүп, чиңхәйгә 3 милйондин көп қуш зукими ваксини әвәтти.

Ройтерс агентлиқиниң хәвиригә қариғанда, өткән шәнбә күни чиңхәйниң гаңча наһийисидә өлүп қалған пәсил қушлириниң қуш зукими билән өлгәнлики байқалған болуп, шундин буян бу район пүтүнләй қамал қилинип, чиңхәй өлкиси бойичә тәкшүрүш вә ваксин уруш иши башланған.

Хитай йеза игилик министирлиқидики бир әмәлдарниң мәлум қилишичә, өлүп қалған бу пәсил қушлири шәрқий җәнубий асиядин кәлгән. 2003 - Йили қиштин буян һазирғичә қуш зукими хитайда җәмий 53 адәмниң өлүшини кәлтүрүп чиқарған.

Хәвәрдә мәлум болушичә, һазир вейтнамда қуш зукиминиң тарқилиши бир қәдәр еғир болуп, өткән һәптидила 6 киши қаза қилған. Мушуниң билән өткән йили 12 - айдин буян вейтнамда қуш зукими билән қаза қилғанларниң сани 18 гә йәтти.

Хитайда қуш зукиминиң тарқалғанлиқи байқилиши биләнла, малайсийә хитайдин тоху қатарлиқ башқа гөш мәһсулатлирини импорт қилишни чәклиди. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт