Yéqinda xitayning chingxey ölkiside qush zukimi bayqalghandin kéyin, xitay hökümiti buning aldini élish heqqide jiddiy uqturush chüshürüp, chingxeyge 3 milyondin köp qush zukimi waksini ewetti.
Roytérs agéntliqining xewirige qarighanda, ötken shenbe küni chingxeyning gangcha nahiyiside ölüp qalghan pesil qushlirining qush zukimi bilen ölgenliki bayqalghan bolup, shundin buyan bu rayon pütünley qamal qilinip, chingxey ölkisi boyiche tekshürüsh we waksin urush ishi bashlan'ghan.
Xitay yéza igilik ministirliqidiki bir emeldarning melum qilishiche, ölüp qalghan bu pesil qushliri sherqiy jenubiy asiyadin kelgen. 2003 - Yili qishtin buyan hazirghiche qush zukimi xitayda jem'iy 53 ademning ölüshini keltürüp chiqarghan.
Xewerde melum bolushiche, hazir wéytnamda qush zukimining tarqilishi bir qeder éghir bolup, ötken heptidila 6 kishi qaza qilghan. Mushuning bilen ötken yili 12 - aydin buyan wéytnamda qush zukimi bilen qaza qilghanlarning sani 18 ge yetti.
Xitayda qush zukimining tarqalghanliqi bayqilishi bilenla, malaysiye xitaydin toxu qatarliq bashqa gösh mehsulatlirini import qilishni cheklidi. (Peride)
Munasiwetlik maqalilar
- Biryussélda xitayning “Uyghur mejburiy emgiki” ge qarshi chuqanlar
- Lagér ayrighan ana-balining “Elley naxshisi” yaponiyede yangridi
- Yéngi bixeterlik tedbiri: “Terbiyelesh” heqqide éghiz achmasliq we téléfonini chet'eldin urulmaydighan qiliwétish
- Shiwét missiyonérlirining sherqiy türkistandin ayrilishi
- Yüzlerche Uyghurlar jenwediki b d t binasi aldida namayish élip bardi
