Chingxeyde qush zukam wirosida ölgen qushlarning sani eslidikidin köp bolup chiqti


2005-05-27
Share

Xitay yéza igilik ministirliqidiki emeldarlar, chingxeyde H5N1 tipliq zukam wirosidin ölgen qushlarning sanining mingdin ashidighanliqini jakarlidi. Xitay yéza igilik ministirliqi haywanatlar idarisidiki jya yolingning jüme küni ashkarilishiche, chingxeyde zukam wirosidin ölgen qushlarning sani, hökümet da'iriliri bir qanche künning aldida élan sandin besh hesse köp iken. Xitay hökümiti 150 uchar qushning mezkur wirostin yuqumlan'ghanliqini élan qilghan idi.

Yéza igilik ministirliqining bayanatchisi wukam wirosidin ölgen qushlarning qaqir, yawa ördek tipidiki qushlar shundaqla su qushlirini öz ichige alidighanliqini bildürgen.

Zuklam wirosi tarqighan jayning gherbi Uyghur aptonom rayoni bilen chégrilinidu. Bu arida xitay yéza igilik ministirliqi Uyghur aptonom rayoni qatarliq jaylarda tarqalghan éghiz - tuyaq yallughini yoshurghanliqini ret qilghan. Éghiz - tuyaq yallughi ötken yili Uyghur aptonom rayonining ili qatarliq jaylirida körülgen idi.

Xitay sehiye da'irilirining tekitlishiche, öy haywanliri we insanlarning qush zukam wirosi bilen yuqumlan'ghanliqini hazirgha qeder bayqimighan. H5N1 Tipliq qush zukam wirosi buningdin 8 yil ilgiri bayqalghan bolup, tayland, kambodzha, wéytnamlarda 50 kishining jénigha zamin bolghan idi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet