Ички моңғулда қуш зукими вируси байқалди


2005.10.19
Share on WhatsApp
Share on WhatsApp

Хитай һөкүмити чаршәнбә күни ички моңғулда H5N1 типлиқ хәтәрлик қуш зукими вируси байқилип, 2600 дин артуқ өй қушиниң өлгәнликини билдүрди.

Хитайниң шинхуа агентлиқниң хәвәр қилишичә, хитайниң қуш зукимини ениқлаш тәҗрибиханиси ички моңғулниң көкхот шәһири әтрапидики бир фермида,H5N1 типлиқ қуш зукими вируси тарқилип, 2600 дин артуқ өй қушиниң бу кесәлдин өлгәнликини ениқлап чиққан. Хәвәрдә көрситилишичә, алақидар тармақлар һазир қуш зукими тарқалған фермини пичәтләп тәкшүрүп , кесәлни контрол қилған икән.

Әмма хәвәрдә, қуш зукими вирусиниң қачан тарқалғанлиқи, қандақ хилдики өй қушиниң өлгәнлики һәққидә һечқандақ мәлумат берилмиди.

Бу йилниң ичидила чиңхәйдә алтә миңдин артуқ қуш қуш зукими билән өлгән. Уйғур ели вә тибәтләрдикиму қуш зукам вируси байқалған иди. Буниңдин сирт, шәрқий җәнубий асия вә башқа районларда нәччә он кишиниң өлүшини кәлтүрүп чиқарған қуш зукими һазир русийә, түркийә, руминийә қатарлиқ дөләтләрдиму көрүлгән.

Дуня сәһийә тәшкилати илгири қуш зукими вирусиниң характери өзгирип, инсанлар ичидә тарқилиш еһтималлиқиниң барлиқини билдүрүп, бу хил қуш зукиминиң дуня миқясида апәт елип келиш еһтималлиқи һәққидә агаһландурған. Бу арида, дуня сәһийә тәшкилатиниң бейҗиңдики бир баянатчиси, хитайниң қуш зукимиға дәрһал тәдбир қоллинип, униң адәмләр вә башқа өй қушлириға юқушиниң алдини елиши керәкликини билдүрди. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.