Ichki mongghulda qush zukimi wirusi bayqaldi
2005.10.19
Xitay hökümiti charshenbe küni ichki mongghulda H5N1 tipliq xeterlik qush zukimi wirusi bayqilip, 2600 din artuq öy qushining ölgenlikini bildürdi.
Xitayning shinxu'a agéntliqning xewer qilishiche, xitayning qush zukimini éniqlash tejribixanisi ichki mongghulning kökxot shehiri etrapidiki bir férmida,H5N1 tipliq qush zukimi wirusi tarqilip, 2600 din artuq öy qushining bu késeldin ölgenlikini éniqlap chiqqan. Xewerde körsitilishiche, alaqidar tarmaqlar hazir qush zukimi tarqalghan férmini pichetlep tekshürüp , késelni kontrol qilghan iken.
Emma xewerde, qush zukimi wirusining qachan tarqalghanliqi, qandaq xildiki öy qushining ölgenliki heqqide héchqandaq melumat bérilmidi.
Bu yilning ichidila chingxeyde alte mingdin artuq qush qush zukimi bilen ölgen. Uyghur éli we tibetlerdikimu qush zukam wirusi bayqalghan idi. Buningdin sirt, sherqiy jenubiy asiya we bashqa rayonlarda nechche on kishining ölüshini keltürüp chiqarghan qush zukimi hazir rusiye, türkiye, ruminiye qatarliq döletlerdimu körülgen.
Dunya sehiye teshkilati ilgiri qush zukimi wirusining xaraktéri özgirip, insanlar ichide tarqilish éhtimalliqining barliqini bildürüp, bu xil qush zukimining dunya miqyasida apet élip kélish éhtimalliqi heqqide agahlandurghan. Bu arida, dunya sehiye teshkilatining béyjingdiki bir bayanatchisi, xitayning qush zukimigha derhal tedbir qollinip, uning ademler we bashqa öy qushlirigha yuqushining aldini élishi kéreklikini bildürdi. (Arzu)
Munasiwetlik maqalilar
- Mutexessisler: chingxeydiki qush zukam wirusining etraptiki rayonlargha tarqilish mumkinchiliki zor
- Dunya sehiye teshkilati, qush zukimining bashqa rayonlargha tarqilishidin endishe qilmaqta
- B d t xitayni qush zukam wirosigha qarshi dorilarni öy qushlirigha ishletmeslikke agahlandurdi
- Dunya sehiye teshkilati xitayni qush zukam wirusi toghrisida agahlandurdi
- Chingxeyde qush zukam wirosida ölgen qushlarning sani eslidikidin köp bolup chiqti