Xitay, qush zukimining aldini élish üchün chégrini taqishi mumkin

Xitayning sehiye emeldarliri yekshenbe küni, nawada xitayda qush zukimi ademlerde bayqilipla qalsa, u chaghda xitayning chégrini waqitliq taqiwétidighanliqini bildürdi. Xitayning hökümet metbu'atliri yene, chégrini taqashning xitaygha nurghun iqtisadiy ziyan keltürüp chiqiridighanliqini, lékin ejellik qush zukimining aldini élish üchün mushundaq qilishqa mejbur bolidighanliqini melum qildi.

Asiya tereqqiyat bankisining mölcherlishiche, qush zukimi eger ademlerge yuqup, ularning arisida tarqilip ketse, gerche derijisi éghir bolmighan ehwaldimu, yenila 100 milyard amérika dollirigha yéqin iqtisadiy ziyan kélip chiqidiken.

Xongkong da'irilirimu ötken hepte, eger bu késel ademlerde bayqalsa, xongkongning xitay chong quruqluqi bilen bolghan ötüsh ponkitlirini taqaydighanliqini bildürgen idi. Lékin en'gliyidiki bir gézitte, bu xildiki usulning peqet bu xeterlik wirusning tarqilishini bir nechche kün yaki bir nechche hepte keynige kéchiktürüsh rolinila oynaydighanliqini melum qilghan. (Peride)