Хитай қуш зукими билән адәм өлгәнликини инкар қилди


2005.10.27
Share on WhatsApp
Share on WhatsApp

Қуш зукими вируси тарқалған хитайниң хунән өлкиси шияңтән наһийисидә бир қизниң кесәл тәккән тоху гөши йигәндин кейин өлүп кәткәнлики мәлум болди. Әмма хитай һөкүмити бу қизниң қуш зукими билән әмәс, бәлки өпкә кесили билән өлгәнликини билдүрди.

Чәтәл мәтбуатлириниң хәвәр қилишичә, хенән шияңтән наһийисиниң вәнтаң йезисида алдинқи күни H5N1 типлиқ қуш зукими вироси байқилип, пүтүн йеза қамал қилинған. Мәзкур йезидики бир деһқанниң йигирмидин артуқ тоху өдики өлүп кәткән болуп, уларниң қуш зукими билән өлгәнлики гуман қилинған. Бу деһқанниң оғли вә қизи кисәл тегип өлгән тоху гөшини йигәндин кейин температуриси өрләп, зукам аламәтлири көрүлгән болуп, 12 яшлиқ қизи чаңша дохтурханисида давалаш үнүм бәрмәй өлүп кәткән.

Хунән өлкилик һөкүмәт даирилири, бу икки балини тәкшүргәнликини, уларниң қуш зукими билән юқумланмиғанлиқини билдүрди һәмдә шияңтән наһийисидә пәқәт қушларниңла қуш зукими билән юқумланғанлиқини, адәмләргә юқуш әһваллириниң көрүлмигәнликини көрсәтти.

Бу арида, бирләшкән дөләтләр тәшкилати, уларниң һазирчә хитайда адәмниң қуш зукуми вирусини юқтурвалғанлиқи һәққидики мәлуматларни тапшуруп алмиғанлиқини, мәзкур тәшкилатниң хитай сәһийә министирлиқи билән алақилишип, әң ишәнчлик мәлуматларға еришишни үмид қилидиғанлиқини билдүрди. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.