Xitay ölüsh sewebi éniq bolmighan haywanlarni istimal qilmasliq heqqide uqturush chüshürdi

Xitay yéza- igilik ministirliqi düshenbe küni uqturush chüshürüp, namelum sewebtin ölgen haywanlarni sétish, toshush we istimal qilishni cheklidi hemde qushlarning tuyuqsiz ölgenlik ehwallirini melum qilghan kishilerni mukapatlaydighanliqini bildürdi.

Fransiye axbarat agéntliqining xewirige qarighanda, bu xitay hökümitining qush zukimining tarqilishining aldini élish tedbirlirining biri dep qaralmaqta. Yéqinqi ikki hepte ichide xitayning ichki mongghul, enxüy we xunen qatarliq jaylarda qush zukimi wirosi bayqilip, texminen töt mingdin artuq öy qushliri ölgen.

Xunen ölkisidiki qush zukimi tarqalghan rayunda 12 yashliq bir qiz yene kisel tekken toxuni yégendin kéyin ölgen idi. Xitay da'iriliri bu qizni qush zukimidin emes, öpke késilidin ölgen dep bildürgen.

Emma dunya sehiye teshkilati , bu qizning néme sewebtin ölgenliki heqqide téxi yekün chiqirishning baldurliqini bildürmekte. Dunya sehiye teshkilati alaqidar mutexesislirini xitaygha ewetip, xitay hökümitining tekshürüshige yardem bérish teklipini otturigha qoyghan bolsimu, bu teklip hazirghiche xitay hökümiti teripidin testiqlanmidi.

2003 - Yili qush zukam wirosi asiyada tarqalghandin béri, 60 tin artuq kishi bu kiseldin öldi. (Arzu)