Xitay qoralliq saqchi qisim bilen qush zukimigha taqabil turmaqchi

Xitayning lyawning ölkiside qush zukimi késili bayqalghandin kéyin, xitay da'iriliri qush zukimi késili ehwali bir qeder éghir bolghan jinjow shehirige qoralliq saqchi qisimlirini ewetip, bu késelning tarqilishini kontrol qilish ishlirigha saldi.

Buningdin 10 kün awal jinjow shehirining etrapidiki yéza-kentlerde qush zukimi bayqalghandin kéyin, bu rayonda hazirghiche nechche milyon toxu öltürülüp boldi. Xitay da'iriliri gerche hazirghiche bu késelning ademlerde bayqalmighanliqini bildürsimu, lékin ular yekshenbe küni dunya sehiye teshkilatini xunendiki 3 bimarning bu késelge giriptar bolghan bolmighanliqini éniqlashqa teklip qildi.

Xitayning xunen ölkisimu qush zukimining tehditige éghir uchrighan rayonlarning biri. Xitayda ötkenki 3 hepte ichidila xunen we lyawninglardin sirt yene, enxüy we ichki mongghol rayonliridimu bu késellik bayqalghan.

Qush zukimi késili deslep asiyada bayqalghan bolup, bu hazir tézidinla ottura asiya hetta yawropaghiche taraldi. Her qaysi döletler hazir bu késelning insanlargha yuqishidin küchlük endishe qilmaqta. Ötken yilidiki qush zukimi apitide asiya rayonida az dégende 60 kishi bu késel bilen qaza qilghan idi. (Peride)