Хитайда йәнә қуш зукам вируси тарқилиш вәқәси йүз бәрди


2005.11.11

Хитай даирилириниң әскәртишичә, лявниң өлкиси бойичә үч йәрдә қуш зукам вируси байқалған. Шуниң билән биргә лявниңда бир аял бу вирус билән юқумланған болуши мүмкин, дәп қаралмақта. Бу 11 - айниң 3 - күни лявниңда қуш зукам вируси байқалғандин бери, мәзкур вирусниң бу районда 4 - қетим байқилиши болуп һисаблиниду.

Даириләр, бу районда 116 кишини көзитиш астиға алған. Һазирчә хитайда қуш зукам вируси билән рәсмий юқумланғанлар 4, дәп елан қилинди. Буларниң ичидә 12 яшлардики хунәнлик бир қиз өлгән. Хитай даирилири дәсләптә бу қизниң өпкә кесили билән өлгәнликини елан қилған болсиму, әмма кейинрәк қуш зукам вирусида өлгәнликини етирап қилди.

Хитай йеза игилик министирлиқи, лявниңда вирус юқтурувалған, дәп гуман қилиниватқан аялниң еғир өпкә кесилигә грипдар болғанлиқини билдүрсиму, әмма униң илгири аилә қушлири билән зич учрашқанлиқини етирап қилмақта.

Дуня сәһийә тәшкилати һәптә ахири хунәндики қуш зукам вируси кесәлликиниң өлгисини тәкшүриду. Улар йәнә лявниңдиму тәкшүрүш елип баридикән.

Шинхуа ахбарат агентлиқиниң хәвәр қилишичә, лявниң өлкиси фушин шәһириниң чавяңси кәнти вә җинҗо шәһириниң далиң кәнтлиридә нурғун тохулар H5N1 типлиқ вирус сәвәбидин өлгән. Баш министир вен җябав, кесәлниң алдини елиш хизмити "җиддий риқабәткә дуч кәлди" диди. Дуня сәһийә тәшкилатиниң баянатчиси вадийә, " бу шүбһисизки , зор партлаш" дәйду. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.